Bethesda hélt sína fyrstu E3 kynningu í ár. Margir biðu spenntir eftir nánari upplýsingum um Fallout 4 en fyrirtækið birti stiklu úr leiknum fyrir stuttu. Bethesda kynntu nýjan Doom leik, Dishonored 2, sýndu sýnishorn úr Elder Scrolls Online, Elder Scrolls Legends, Battlecry og síðast en ekki síst – kynntu nýja Fallout leikinn!

Nýr Doom leikur væntanlegur

Bethesda kynnti nýjan Doom og sýndu nokkur sýnishorn úr leiknum sem lítur ansi vel út. Doom Snapmap fylgir leiknum en þar geta spilarar búið til sín eigin borð, deilt sköpunarverki sínu með öðrum Doom spilurum og sótt efni sem aðrir spilarar hafa búið til. Athugið að leikurinn er alls ekki ætlaður börnum eða viðkvæmum!
Nánar >>

Fallout 4 kemur 10. nóvember

Bethesda tilkynnti útgáfudag Fallout 4 sem er 10. nóvember á þessu ári! Leikurinn gerist í bandarísku borginni Boston sem verður síðar fyrir kjarnorkuárás. Spilarinn stjórnar eftirlifanda og fær að skoða sig um á stóru landsvæði, leysa ýmis verkefni og verja sig og drepa aðra í ringulreiðinni sem ríkir í Boston. Hægt er að spila leikinn í 1. persónu og 3. persónu og er notast við V.A.T.S. bardagakerfið líkt og í fyrri leik. Einnig verður gamli góði Pip-Boy á sínum stað þar sem hægt verður að nálgast upplýsingar um hluti, vopn, persónur, kort o.fl.
Nánar >>

Pip-Boy með Fallout 4

Sérstök safnaraútgáfa (Collectors Edition) verður gefin út af Fallout 4 og mun sú útgáfa innihalda eftirlíkan af Pip-Boy. Hægt er að klæðast Pip-Boy, festa símann í sérstöku hólfi sem er innbyggt í Pip-Boy og nota hann fyrir skjá. Bethesda mun gefa út sérstakt app fyrir snjallsíma svo Pip-Boy mun virka á svipaðan hátt í raunveruleikanum og í leiknum.
Nánar >>

Fallout Shelter ókeypis á App Store

Leikurinn Fallout Shelter er fáanlegur ókeypis í gegnum App Store. Í honum hefur spilarinn umsjón yfir öryggisbyrgi (vault) og þarf að gæta þess að allir íbúar þess séu ánægðir og að nóg sé til af rafmagni og mat. Leikurinn er kominn á App Store.
Nánar >>

Dishonored 2 kynntur

Kynningin fyrir nýja Dishonored leikinn var heldur stutt hjá Bethesda á E3 tölvuleikjasýningunni. Í staðinn fyrir kynningu fengum við að sjá nýja stiklu úr leiknum. Síðar á þessu ári verður svo gefin út endurbætt útgáfa af fyrsta Dishonored leiknum fyrir PS4 og Xbox One og mun sú útgáfa heita Dishonored: Definitive Edition.
Nánar >>

Battlecry á leið í betu

Þessi fjölspilunarleikur minnir óneitanlega svolítið á Team Fortress. Battlecry er á alfa stigi um þessar mundir í Ástralí og Nýja Sjálandi en hægt er að skrá sig í opna betu um þessar mundir. Leikurinn er væntanlegur síðar á þessu ári.

Elder Scrolls kortaleikur væntanlegur

Bethesda minnti áhorfendur á að vinnu þeirra í Elder Scrolls Online er langt frá því að vera lokið og mun fyrirtækið uppfæra leikinn með reglulegu millibili. Einnig var kortaleikurinn Elder Scrolls Legends kynntur til sögunnar, en lítið sem ekkert var sýnt úr leiknum. Leikurinn verður fáanlegur ókeypis á PC og iPad og er væntnalegur síðar á þessu ári.

Höfundur er
Bjarki Þór Jónsson

Kynningin hjá Microsoft á E3 stóð svo sannarlega undir væntingum og tókst að koma með nokkrar óvæntar tilkynningar sem tryllti viðstadda og okkur sem horfðu á Veraldarvefnum. Því er upplagt að renna yfir það helsta sem gerðist, sem er þó nokkuð mikið.

Halo 5: Guardians

Ekki kom mikið á óvart að byrjað var að sýna frá Halo 5: Guardians, þar sem bæði var sýnt stikla úr leiknum en og hvernig leikurinn spilast í aðal söguþræðinum. Leikurinn lítur mjög vel og lofar góðu.
Nánar >>

Recore

Síðan var heimfrumsýning á leik sem er gerður af sömu snillingum og bjuggu til Metroid Prime, sá leikur ber nafnið Recore og það verður að viðurkennast að hann lítur mjög forvitnilega út.
Nánar >>

Xbox 360 leikir spilanlegir á Xbox One

Phil Spencer talaði um að spilarar séu í efsta sæti hjá Xbox  og að Microsoft hlustar á hvað við höfum að segja. Í beinu framhaldi af því þá kemur hann með tilkynningu sem enginn bjóst við. Núna er hægt að spila gömlu 360 leikina á Xbox One!
Nánar >>

Ný Xbox fjarstýring

Ný fjarstýring var kynnt, óhætt að segja að hér er á ferðinni fjarstýring fyrir þá spilara sem vilja kalla sig atvinnumenn. Vel hægt að móta hana að sínum dýpstu og nördalegustu þörfum sem tengjast spilun á tölvuleikjum með fjarstýringu.

Fallout 3 fylgir frítt með Fallout 4

Todd Howard frá Bethesda kíkti á sviðið til að tala meira um Fallout. Sýndi meira úr leiknum, mjög svipað og hann sýndi á Bethesda kynningunni en með örlítið meira efni tengt bardaga. Talaði líka um sérstakt tilboð fyrir Xbox One spilara, en þegar þeir kaupa Fallout 4 þá fylgir leikur númer 3 frítt með. Nefndi einnig að það sem er spilara skapa í PC vél verður hægt að niðurhala í leikjavélina, þetta er gert til að þjappa Fallout samfélaginu meira saman.

EA mætir á sviðið

Svo allt í einu steig aðili frá EA á sviðið, sem hefði betur átt að halda sig heima. Eina sem var talað um var EA Access leikjasafnið og hvað þetta sé frábær þjónusta (er einhver sem notar þetta?). Allir sem eiga Xbox One frá frían aðgang að þessari þjónustu á meðan E3 stendur yfir og munu Titanfall og Dragon Age Inquisition bætast við í leikjasafnið á næstunni. Já og Plants vs. Zombies: Garden Warefare 2 er á leiðinni. Reyndar mjög skemmtileg stikla af þeim leik, örugglega mjög gaman að spila þennan. En þessi leikur er væntanlegur sumarið 2016.

Forza 6 kynntur

Að sjálfsögðu var kynnt til sögunnar nýr Forza Motorsport leikur og á auðvitað seig glænýr Ford GT bíll úr loftinu, gestum til mikilli ánægju. Eins og vanalega þá lítur leikur alveg ótrúlega vel út, enda er þetta klárlega einn vandaðasti bílaleikurinn í dag og mun hann koma út 15. september á þessu ári.
Nánar >>

Dark Souls 3 væntanlegur árið 2016

Fyrir þá spilara sem finnst allir leikir í dag vera og auðveldir þá eru góð tíðindi framundan. Því Dark Souls 3 mun líta dagsins ljós snemma á árinu 2016.

The Division

Ubisoft lét sig ekki vanta og enn einu sinni sýndu þeir enn eina stikluna úr The Division, en þessi leikur ætlar að taka sér góða tíma að komast okkar hendur. Hins vegar má sjá mun á grafík leiksins í sýnishorninu sem sýnt var á kynningunni og þeirri sem var á síðasta ári. Er ekki frá því að það sé búið að leikurin sé að fá Watch_dogs meðferð, en þetta gæti líka verið algjör vitleysa. Læt samt báðar stiklurnar fylgja með, dæmi hver fyrir sig.
Stikla 1 (frá 2014) | Stikla 2 (frá 2015)

Las Vegas fylgir frítt með Rainbow Six Siege

Einnig talaði Ubisoft um Rainbow Six Siege og þeir sem eiga Xbox One og kaupa leikinn fá Rainbow Six: Las Vegas og Rainbow Six: Las Vegas 2 frítt með.

Stikla úr nýja Tomb Raider

Sýnt var stikla úr nýja Tomb Raider og leikurinn lítur fáranlega vel út, svo virðist sem hann ætli sér ekki að gefa neitt eftir og spurningin er hvort hann verði betri en fyrri leikurinn. Leikurinn kemur út 10. nóvember á þessu ári.

Indí leikir

Mikið af spennandi indie leikjum eru væntanlegir á Xbox vélina og þvílík fjölbreytni af leikjum. Auk þess verður að nefna að Xbox hef sett inn á sína YouTube rás 32 stiklur af indie leikjum sem væntanlega eru til sýnis á E3.

Sá indie leikur sem greip hvað mesta athyglina var Cuphead, sem lítur fáranlega vel út og verð bara að viðurkenna að það ríkir mikil spenna að fá að spila þennan leik.

Nostalgía með Rare Replay

Ef það hefur eitthvað vantað upp á nostalgíuna undanfarið þá er hægt að taka gleðina á ný. Leikjaframleiðandi Rare ætlar að gefa út Rare Replay, sem inniheldur 30 leiki frá þeim. Þetta er gert í tilefni 30 ára afmælis fyrirtækisins og þetta er klárlega eitthvað sem er vert að fjárfesta í, þetta safn er væntanlegt 4. ágúst.

Sjóræningjaleikurinn Sea of Thieves

Síðan er nýr leikur að koma frá Rare og talsmaður frá fyrirtækinu vill meina að þetta sé þeirra metnaðarfyllsta verkefni. Um er að ræða sjóræningja leik sem ber nafnið Sea of Thieves, útlit leiksins er mjög heillandi og mögulega gæti þetta verrið MMO leikur.

Fable Legends ókeypis

Tilkynnt var að Fable Legends mun vera ókeypis og geta spilara í PC spila við þá sem eru með Xbox One, en auðvitað þurfa PC spilararnir að hafa Windows 10.

Minecraft virkar með HoloLens!

Fulltrúi frá Minecraft tilkynnti að það sé hægt að spila leikinn með HoloLens. Ef þetta virkar eins vel og myndbandið hér fyrir neðan gefur til kynna, þá kann þetta vera eitt það flottasta sem sýnt hefur verið á E3 kynningu.
Nánar >>

Ultimate útgáfa af Gears of Wars & Gears 4

Síðan var tilkynnt um Ultimate útgáfu af Gears of War fyrir Xbox One, hér er á ferðinni uppfærð útgáfa á þremur fyrstu Gears of War leikjunum þar sem allir aukapakka fylgja með. Endurgerðin mun koma út 25. ágúst á þessu ári. Einnig sýnt úr nýjasta leiknum í seríunni, sem ber nafnið Gears 4.

Lokaorð

Í lokin steig Phil Spencer aftur á sviðið og talaði um að leikjauppstillingin á þessu ári sé sú allra besta í sögu Xbox. Sem verður eiginlega að taka undir, þetta eru rosalegir leikir sem eru að koma út á næstunni á Xbox One vélinni. Phil nefndi einnig að núna væri besti tíminn að skipta úr 360 vélinni og yfir í One, en það er mjög freistandi fyrst að hægt er að spila 360 leikina í nýju vélinni. Það er þó pínu fyndið að það sem stendur hvað mest upp úr kynngunni sé ekki tölvuleikur, heldur ákvörðun Microsoft að geta spilað gamla leiki á Xbox One og notkun HoloLens við spilun í Minecraft. Það má með sanni segja að E3 þetta árið byrjar með krafti!

Höfundur er
Helgi Freyr Hafþórsson

Mass Effect: Andromeda

Byrjunin var þó hrein unun, þar sem sýnt var stikla úr Mass Effect Andromeda sem er væntanlegur um jólin 2016. Þó sést ekkert sérstaklega mikið en það er nóg til að gera mann spenntan fyrir leiknum og gaman verður að fylgjast með hvort fleiri stiklur komi á næstu dögum.

Need for Speed

Need for Speed var næsti leikur sem var kynntur en það má eiginlega segja að þessi sería er búin að vera í smá lægð og fallið í skuggann á öðrum bílaleikjum. Talað var um að pælingin bakvið leikinn væri að blanda saman alvöru- og tölvugerðu myndefni í þeim tilgangi að spilara tækju ekki eftir skiptingum á milli. Hann lítur reyndar vel út og spurning hvort þetta sé leikurinn sem margir aðdáendur Need for Speed hafa verið að bíða eftir, en hann kemur út 3. nóvember næstkomandi.

Knights of the Fallen Empire

Svo virðist sem EA hafi ákveðið að búa til smá Star Wars forrétt í tilefni Battlefront leiksins, en þeir kynntu aukapakka fyrir Knight´s of the old Republic sem ber nafnið Knights of the Fallen Empire. Stiklan lítur mjög vel út því verður gaman að sjá hvernig þessi aukapakka leggst í aðdáendur, en pakkin kemur út 27. október á þessu ári.

Unravel

Mögulegt er að krúttlegasti leikur á E3 þetta árið sé fundinn, en hann heitir Unravel. Í leiknum fara spilarar í hlutverk Yarny, sem er lítil fígúra búin til úr garni og notast við garnið sitt til að komast yfir ýmsar hindranir sem verða á hans vegi. Rosalega heillandi og viðkunnanlegur leikur. Það var líka svo gaman að hlusta á þann sem hannaði leikinn, var svo hrikalega stoltur af leiknum hann tók Yarny með sér á kynninguna.

Star Wars Galaxy Heroes og Minions Paradise

EA hefur mikinn metnað fyrir tölvuleikjum í snjalltæki, en samkvæmt þeim þá var halað niður 710 milljón leikjum á síðasta ári. Því fannst þeim upplagt að bæta tveimur nýjum og frekar stórum nöfnum við snjallleikja úrvalið sitt. En það eru Star Wars Galaxy Heroes, sem á að uppfylla snjalltækja þarfi Star Wars áðdáenda, og Minions Paradise, þar sem spilarar stjórna litlu gulum köllum sem elska banana.

Mirror’s Edge

Mikil spenna hefur verið hjá mörgum eftir að EA tilkynnti að nýjan Mirror’s Edge fyrir lifandi löngu, en núna er loksins komin almennilega stikla sem sýnir hvernig leikurinn lítur út. Hún er þó í styttri kantinum og sýnir kannski ekkert alltof mikið, en þetta litla lofa allavega góðu. Vonandi munu fleiri sýnishorn úr leiknum líta dagsins ljós á næstu dögum.  Mirror’s Edge Catalyst er væntanlegur 23. febrúar á næsta ári.

Star Wars Battlefront

Stóra stundin í EA kynningunni var a sjálfsögðu Battlefront en það sem kom skemmtilega á óvart var að Sigurlína Ingvarsdóttir  kynnti leikinn. Sigurlina er yfir framleiðandi (Senior Producer) hjá Dice en hefur einnig unnið hjá Ubisoft Massive, Icelandic Gaming Industry og CCP. En það sem Sigurlina leyfði okkur að sjá af Battlefront er hreint gull. Leikurinn lítur fáranlega vel út og minnir mun meira á bíómynd en tölvuleik. Svo virðist vera að Star Wars aðdáendur geta andað léttar, það þarf mikið til þess að þessi leikur eigi eftir að klikka!

Höfundur er
Helgi Freyr Hafþórsson

Star Fox Zero á WiiU

Star Fox Zero er loksins að lenda á WiiU tölvuna og nýtir sér snertiskjá fjarstýringuna til hins ýtrasta. Leikurinn mun koma út um næstu jól. Ein af nýungunum í leiknum er StarWalker, en þá geta spilarar breytt geimskipinu í vélmenni. Þetta var upphaflega í StaFox 2 en fyrst sá leikur kom aldrei út er mikil ánægja hjá meistara Miyamoto að þessi eiginleiki sé í StarFox Zero.

Skylanders Superchargers og Amiibo

Hr. Reggie talar um að umbreytingar sé þema Nintendo á E3 þetta árið, því það verður alltaf að vera eitthvað nýtt og eitthvað heillandi. Nefnir Mario sem dæmi, sem á 30 ára afmæli þetta árið. Fleiri Amiibo fígurur á leiðinni og fleiri leikir sem hægt er að nota þá.

Þá er að koma út Skylanders Superchargers, aðeins fyrir Wi iU, en þá bætast faratæki við leikinn. Einnig verður hægt að nota tvo Nintendo karaktera í leiknum, en þeir eru Donkey Kong og Bowser en þessar fígurur verður hægt að nota bæði sem Skylander og Amiibo. Leikurinn kemur út 20. september.

Legend of Zelda: Triforce Heroes

Legend of Zelda: Triforce Heroes fyrir 3ds vélina kemur út næsta haust. Einbeiting á fjölspilun og samspilun. Einnig eiga spilarar að safna hlutum til að búa til búninga sem hafa sérstaka krafta.

Hyrule Warriors Legends

Hyrule Warriors Legends er á leiðinni í 3ds vélina, en allir auka karakterar sem hægt var að kaupa á Wii U vélinni fylgja með. Leikurinn er endurhugsuð útgáfa fyrir 3ds vélina. Kemur út snemma á árinu 2016.
Skoða sýnishorn á YouTube

Tveir Metroid Prime

Tveir Metroid Prime koma út á næsta ári fyrir 3ds vélina, annar hefur undirtitilinn Federation Force og hinn Blast Ball. Federation Force lítur út eins og fyrstu persónu skotleikur á meðan Blast Ball er íþróttaleikur.

Yoshi’s Woolly World

Garn Yoshi er mættur til leiks í Yoshi’s Woolly World. Hægt er að notast við Amiibo í leiknum leikinn en þá breytast þeir í garn fígúrur. Leikurinn er fyrir Wii U vélina og mun koma út 16. október á þessu ári.

Mario & Luigi: Paper Jam

Tveir ólíkir, en samt frekar svipaðir, heimar mætast í leiknum Mario & Luigi: Paper Jam fyrir 3ds vélina. En þar hittast hinu hefðbundnu Mario karakterar og Paper Mario útgáfurnar af þeim. Leikurinn kemur út sumarið 2016.
Skoða sýnishorn á YouTube

Mario Tennis

Nýr Mario Tennis leikur mun koma út um næstu jól, en sá leikur hefur undirtitilinn Ultra Smash og kemur aðeins út á Wii U.
Skoða sýnishorn á YouTube

Super Mario Maker

Super Mario Maker er verkfæri sem var búinn til í þeim tilgangi að auðvelda vinnuna við að búa til borð í Mario leikjum. Það tókst hins vegar það vel að ákveðið var að breyta þessu verkfæri í leik og kemur í september næstkomandi og er aðeins fyrir Wii U.

Höfundur er
Helgi Freyr Hafþórsson

Sony kynnti það sem er væntanlegt frá þeim á komandi mánuðum á kynningu sinni fyrir E3 tölvuleikjasýninguna. Nokkrar fréttir komu skemmtilega á óvart og má það helst nefnan að endurgerð á Final Fantasy 7, einum vinsælasta Final Fantasy leik allra tíma, Shenmue 3 og að The Last Guardian hefur verið endurlífgaður.

The Last Guardian rís upp frá dauðum

Sony byrjaði kynninguna sína fyrir E3 tölvuleikjasýninguna á því að kynna tölvuleik sem hefur lengi legið í dvala; The Last Guardian. Það er snillingurinn Fumito Ueda sem hefur umsjón yfir leiknum en hann er hvað þekktastur fyrir Ico og Shadow of the Colossus. The Last Guardian er væntanlegur árið 2016 á PlayStation 4.
Nánar >>

Uncharted 4 sýnishorn

Nýr Uncharted leikur var kynntur á kynningarfundi Sony fyrir E3. Uncharted 4: A Thief’s End er væntanlegur á PlayStation 4 árið 2016.
Nánar >>

Íslenskt efni væntanlegt á Project Morpheus

Meðal þess sem er væntanlegt á Sony Morpheus er The Deep og skotleikurinn RIGS þar sem verður hægt að keppa í þrír á móti þremur PvP skotbardögum. Geimskotleikurinn EVE: Valkyrie frá íslenska leikjafyrirtækinu CCP er einnig væntanlegur fyrir Morpheus á PS4 auk Godling frá Sólfar, nýju íslensku leikjafyrirtæki.
Nánar >>

Final Fantasy 7 endurgerð væntanleg á PlayStation 4

Sony tilkynnti að endurgerð á Final Fantasy 7 væri í vinnslu og verður leikurinn fyrst aðgengilegur á PS4 leikjatölvuna.
Nánar >>

Shenmue 3 fjármagnaður í gegnum Kickstarter

Á kynningarfundi Sony var tilkynnt að Yu Suzuki, höfundur Shenmu leikjanna, hefði hrint af stað Kickstarter fjármögnun fyrir Shenmue 3 á PC og PS4. Leikurinn mun vera beint framhald af Shenmue og Shenmue 2 og verður notast við Unreal 4 leikjavélinna við gerð leiksins.
Nánar >>

Horizon: Zero Dawn sýnishorn

Horizon: Zero Dawn er nýr leikur frá Guerrilla Games þar sem fornöld mætir tækniöld á ansi áhugaverðan hátt. Leikurinn lýtur mjög vel út og verður spennandi fylgjast með þessum.
Nánar >>

Star Wars Battlefront sýnishorn

Hér sjáum við sýnishorn úr „Survival mode“ í leiknum.

Heimurinn í No Man’s Sky er MJÖG stór

Eins og Sean Murray hjá Hello Games sýndi okkur á kynningarfundi Sony fyrir E3, þá er No Man’s Sky leikurinn ótrúlega stór! Í leiknum getur spilarinn flogið um geiminn, kannað plánetur, stundað viðskipti, tekið þátt í geimorrustum og margt fleira.
Nánar >>

Hitman sýnishorn

Street Fighter V sýnishorn

Dreams

Dreams frá Media Molecule (LittleBigPlanet) er mjög svo óhefðbundinn leikur sem er einskonar samblanda af tölvuleik og lifandi listaverki. Í Dreams eiga spilarar eftir að flakka milli ólíkra heima, líkt og í draumum. Spilarar geta skapað sýna eigin drauma og deilt þeim svo með öðrum.

World of Final Fantasy sýnishorn

Leikurinn er væntanlegur á PS4 og PS Vita árið 2016.

Firewatch sýnishorn

Call of Duty: Black Ops III

Langt sýnishorn úr nýjata CoD leiknum, Call of Duty: Black Ops III, var frumsýnt á kynningarfundinum.
Nánar >>

Star Wars mættir í Infinity

Star Wars fígúrur munu bætast við Infinity heiminn með Infinity v. 3.0

Höfundur er
Bjarki Þór Jónsson

South Park: The Fractured but Whole

Nýr South Park leikur er væntanlegur frá höfundum þáttanna, Trey Parker og Matt Stone. Trey og Matt sögðust aldrei aftur ætla að gera annan South Park leik eftir Stick of Truth – en svo breyttist það (sem betur fer). Í þetta sinn fara vinir okkar í South Park í ofurhetjubúningana!

For Honor

Ubisoft er að þróa nýjan leik sem ber titilinn For Honor. Í honum er hægt að keppa sem víkingur, riddari eða samúræi í 4 gegn 4 PvP bardögum. Leikurinn er brútal og áhugaverð samblanda af návígi og hópspilun.

Ghost Recon Wildlands

Leikurinn Tom Clancy’s Ghost Recon Wildlands var kynntur og nýtt sýnishorn sýnt úr pre-alpha stigi leiksins.

Assassin’s Creed Syndicate

Ný stikla úr Assassin’s Creed Syndicate var sýnd á kynningarfundinum. Leikurinn er fyrsti nútímanlegi Assassin’s Creed leikurinn, en hann gerist í London árið 1868.

The Division

Ubisoft sýndi nýtt sýnishorn úr The Division, leiknum sem fyrirtækið kynnti á E3 í fyrra. Í þessu nýja sýnishorni fylgjumst við með spilurum sem eru staddir í The Dark Zone, en þar getur allt gerst og engum treystandi. Leikurinn er væntanlegur 8. mars 2016 á PC, PS4 og Xbox One.

Rainbow Six Siege

Leikkonan Angela Bassett mætti á sviðið til að kynna Rainbow Six Siege. Þetta er í fyrsta sinn sem Angela tekur þátt í gerð tölvuleiks, en hún fer með hlutverk í leiknum. Sífellt algengara er að fá leikara til að fara með hlutverk í tölvuleikjum og áhugavert að sjá aukið samstarf milli tölvuleikjaiðnaðarins og kvikmyndaiðnaðarins.

Anno 2205

Byggingarleikurinn Anno 2205 gerist í framtíðinni. Í leiknum geta er hægt að byggja borgir, bæði á jörðinni og í geimnum. Beta útgáfa leiksins er væntanleg síðar á þessu ári.

Trackmania Turbo

Einstaklega hraður og öðruvísi bílaleikur. Minnir svolítið á samblöndu af gamla góða Stunts og MegaRace með japönsku ívafi. Leikurinn reynir ekki að hafa allt sem raunverulegast (líkt og Forza) heldur teygir ímyndunaraflið til að gera leikinn fjölbreyttann og öðruvísi en aðra bílaleiki.

The Crew og Trials Fusion aukapakkar

Aukapakkinn The Crew: Wild Run er væntanlegur 17. nóvember 2015 og aukapakki fyrir Trials Fusion kemur 14. júlí 2015. Trials Fusion aukapakkinn ber líklega frumlegasta og svakalegast titilinn á E3 í ár; Trials Fusion Awesome Level MAX. Auglýsingin fyrir aukapakkann er líka mjög áhugaverð, en hún inniheldur kött á einhyrningi!

Just Dance 2016

Nýr Just Dance er á leiðinni. Í þetta sinn verður ekki nauðsynlegt að vera með myndavél tengda við leikjatölvuna heldur dugar að nota snjallsíma. Leikurinn kemur á alla helstu leikjatölvurnar og verður með tímanum boðið upp á netþjónustu þar sem spilarar geta sótt sér ný lög samstundis í gegnum leikinn.

Höfundur er
Bjarki Þór Jónsson

Sýnishorn úr Just Cause 3

Sýnt var úr Just Cause 3 á kynningarfundi Square Enix fyrir E3 tölvuleikjasýninguna. Talað var um að enn þann dag í dag eru margir að spila Just Cause 2 og mun fyrirtækið leggja áherslu á að viðhalda Just Cause 3 fyrir tölvuleikjasamfélagið og ætla þar með að gefa leiknum nokkuð langt líf.

Nýr NieR leikur kominn á vinnslustig

Stutt kítla var sýnd fyrir nýjum NieR leik. Lítið var sagt um leikinn en nánari upplýsingar varða gefnar í haust á þessu ári.

Tomb Raider kemur í nóvember

Nýr Tomb Raider, Rise of the Tomb Raider, er væntanlegur 10. nóvember 2015. Leikurinn kemur aðeins út á Xbox 360 og Xbox One og er beint framhald af Tomb Raider leiknum frá 2013 sem sló heldur betur í gegn og náði að endurvekja leikjaseríuna.

Leikurinn Lara Croft GO var einnig kynntur en hann er væntanlegur á spjaldtölvur.

Endurgera Final Fantasy 7

Líkt og kom frá á Sony kynningarfundinum þá er byrjað að vinna í endurgerð á Final Fantasy 7. Leikurinn verður fyrst aðgengilegur PS4 spilurum, en til gamans má geta þá er gamla góða útgáfan af FF7 er einnig væntanleg á PS4, en útgáfudegi var frestað til vetur. Nánari upplýsingar verða gefnar um FF7 endurgerðina næsta vetur að sögn Square Enix.
Nánar >>

Sýnishorn úr Kingdom Hearts

Nýr Kingdom Hearts leikur er væntanlegur og fengum við að sjá sýnishorn úr leiknum. Leikurinn er afrakstur samstarfs Square Enix og Disney. Kingdom Hearts 3 kemur á PS4 og Xbox One.

Einnig var Kingdom Hearts Unchained Key kynntur til sögunnar en sá leikur er í þróun fyrir Android og iOS um þessar mundir. Leikurinn verður gefinn út í Japan og N-Ameríku.

World of Final Fantasy

World of Final Fantasy var kynntur á kynningarfundi Square Enix en Sony sýndi einnig úr leiknum á sinni kynningu. Um er að ræða FF leik sem er heldur frábrugðinn öðrum FF leikjum.

Agent 47 mætir til leiks

Nýr Star Ocean væntanlegur á PS4

Leikurinn er enn á vinnslustigi en næsti Star Ocean leikur kemur á PS4 í Japan, N-Ameríku og Evrópu. Um er að ræða óld skúl RPG leik af japönsku gerðinni.

Deus Ex: Mankind Divided

Í Deus Ex: Mankind Divided mun spilarinn þurfa að taka ákvarðanir sem hafa áhrif á sögu og enda leiksins. Það sem spilarinn gerir í leiknum mun þar af leiðandi hafa ákveðnar afleiðingar. Leikurinn kemur út snemma árið 2016 á PC, PS4 og Xbox One.

Nýr RPG leikur

Í lokin kynnti Square Enix Project Setsuna sem er nýr RPG leikur frá Tokyo RPG Factory, nýju leikastúdíói í Japan sem sérhæfir sig í japönskum RPG leikjum. Í raun var heldur lítið sagt um leikinn en við fengum að sjá teikningar úr leiknum og stutt sýnishorn úr honum á kynningunni.

Höfundur er
Bjarki Þór Jónsson

E3 tölvuleikjasýningunni lauk í dag og höfum við á Nörd Norðursins staðið vaktina og fylgst með því helsta sem hefur verið að gerast. Stóru leikjafyrirtækin heldur kynningarfundi fyrir E3 þar sem þau kynntu hvað er framundan í leikjaheiminum. Bethesda, Sony og Microsoft voru með ansi öflugar kynningar með nokkrar stórar fréttir. Mesta púðrið hjá Bethesda fór í að kynna Fallout 4 sem er væntanlegur 10. nóvember á þessu ári. Þeir kynntu einnig sérstaka safnaraútgáfu með Pip-Boy í raunverulegri stærð sem virkar með svipuðum hætti og í leiknum með aðstoð snjallsíma. Gripurinn var fljótur að seljast upp í forpöntun og er uppseldur eins og staðan er í dag. Fyrirtækið kynnti einnig nýjan Doom leik sem lítur skuggalega vel út.

Tengt efni: Allt það helst frá E3 kynningarfundi Bethesda

Þær gleðifréttir bárust frá kynningarfundi Sony að farið væri að vinna í Final Fantasy 7 endurgerð, en upprunalega útgáfa leiksins er einnig væntanleg á PS4 í vetur. Enginn útgáfudagur er kominn á endurgerðina en hún mun koma fyrst út á PS4 (og svo væntanlega fleiri gerðir tölva). Leikirnir The Last Guardian og Shenmue III eru einnig á vinnslustigi og væntanlegir á PS4. Guerrilla Games (Killzone leikirnir) kynntu nýjan leik á Sony kynningunni sem ber heitið Horizon: Zero Dawn. Í leiknum mætir tækniöld fornöld á ansi áhugaverðan hátt. Einnig var stuttlega talað um Project Morpheus, VR-gleraugun fyrir PS4, og eru tveir VR leikir frá íslenskum fyrirtækjum væntanlegir á PS4; EVE: Valkyrie frá CCP og Godling frá Sólfar Studios.

Tengt efni: Allt það helst frá E3 kynningarfundi Sony

Microsoft sýndi demó úr hvernig Minecraft virkar með HoloLens græjunni sem fyrirtækið er að þróa. HoloLens er einskonar samblanda af Google Glass og hefðbundnum VR-gleraugum, en með þeim geturu séð raunheima og sýndarheima mætast. Demóið var mjög flott og verður áhugavert að fylgjast með hvernig VR tæknin mun þróast á komandi árum. Microsoft tilkynnti svo að Xbox One eigi eftir að styðja gamla Xbox 360 leiki, mörgum til mikillar gleði. Á kynningunni voru leikirnir Halo 5, Recore, Dishonored 2 og Forza 6 kynntir til sögunnar með sýnishornum.

Tengt efni: Allt það helst frá E3 kynningarfundi Microsoft

Tölvuleikjarisinn EA kynnti nokkra áhugaverða leiki sem eru væntanlegir frá fyrirtækinu. Sigurlína Ingvarsdóttir, framleiðandi hjá DICE, mætti á sviðið og kynnti Star Wars Battlefront sem lítur rosalega vel út. Sýnd voru sýnishorn úr nokkrum öðrum leikjum, má þar nefna Mirror’s Edge, Unravel, Mass Effect: Andromeda og Need for Speed.

Tengt efni: Allt það helst frá E3 kynningarfundi EA

Ubisoft byrjaði á því að kynna nýjan South Park leik; South Park: The Fractured but Whole. Fyrri leikurinn, The Stick of Truth, náði miklum vinsældum en í þessum nýjasta leik fara Cartman og félagar í ofurhetjubúningana. Fyrirtækið kynnti einnig nýjan leik sem heitir For Honor en þar geta spilarar slegist saman gegn öðrum spilurum sem samúræjar, víkingar eða riddarar. Ný sýnishorn voru sýnd úr Ghost Recon Wildlands, Assassin’s Creed Syndicate, The Division, Rainbow Six Siege og fleiri leikjum.

Tengt efni: Allt það helst frá E3 kynningarfundi Ubisoft

Kynningarfundir Square Enix og Nintendo ráku lestina með lítið af stórum fréttum. Endurgerð Final Fantasy 7 hafði áður verið tilkynnt á kynningarfundi Sony og sýndi Square Enix sömu kítlu og Sony. Áhugaverðustu titlarnir hjá Square Enix voru Just Cause 3, Kingdom Hearts 3, Tomb Raider, Deus Ex og Hitman – að undanskildum FF7.

Tengt efni: Allt það helst frá E3 kynningarfundi Square Enix

Það var furðu hljótt á Nintendo kynningarfundinum og fáar stórar fréttir. Fyrirtækið kynnti meðal annars Star Fox Zero á Wii U leikjatölvuna, ofurkrúttlega leikinn Yoshi’s Woolly World og Super Mario Maker sem gerir spilurum mögulegt að búa til Mario Bros. Það mátti skynja á umræðunni í íslenska hópnum Nintendo á Íslandi á Facebook að íslenskir Nintendo spilarar hafi ekki verið neitt mjög sáttir með kynninguna í ár.

Tengt efni: Allt það helst frá E3 kynningarfundi Nintendo

Á heildina litið fengum við nóg af áhugaverðum fréttum og augljóslega margt spennandi að farað gerast í leikjaheiminum á komandi mánuðum. Gaman vara að sjá Íslendinga áberandi á kynningarfundunum, Sigurlínu hjá DICE og leikina frá CCP og Sólfar Studios. VR var nokkuð áberandi á hátíðinni og nokkuð öruggt að leikjaheimurinn eigi eftir að þróast og þroskast í náinni framtíð með möguleikum VR gleraugna.

E3 2016 verður haldið eftir 361 daga, nánar tiltekið 14.-16. júní á næsta ári.

Yfir og út.

Höfundur er
Bjarki Þór Jónsson

Bandaríski verkfræðingurinn Nolan Bushnell stofnaði tölvuleikjafyrirtækið Atari árið 1972. Nolan hefur haft mikil áhrif á tölvuleikjaiðnaðinn í gegnum tíðina, meðal annars með fyrirtækinu Atari og PONG spilakassanum, sem var fyrsti tölvuleikurinn sem náði miklum vinsældum meðal almennings.

All the best games are easy to learn and difficult to master.

Nolan Bushnell sagði að „All the best games are easy to learn and difficult to master.“, eða að „allir bestu leikirnir er auðvelt að læra á og erfitt að ná góðum tökum á.“ Þessi spakmæli þekkjast betur í dag sem lögmál Bushnells. Til gamans má geta þá hefur tölvuleikjafyrirtækið Blizzard (Diablo, StarCraft og World of Warcraft) tileinkað sér þessa vinnureglu; að það eigi að vera auðvelt að læra á tölvuleik, en erfitt að ná fullkomnum tökum á honum.

Hér koma nokkrir góðir leikir sem fylgja lögmáli Bushnells:

PONG

Það er ekki hægt annað en að byrja þennan lista á PONG spilakassanum sem var gefinn út árið 1972 og sló heldur betur í gegn. PONG hefur gjarnan verið flokkaður sem fyrsti tölvuleikurinn þar sem þetta var fyrsti tölvuleikurinn sem var aðgengilegur almenningi og náði miklum vinsældum. Í leiknum stjórnar spilarinn tennisspaða og er markmiðið að slá í bolta til að koma í veg fyrir að andstæðingurinn skori. Leikurinn getur verið lúmskt erfiður og tekur tíma að ná góðum tökum á honum.

Leiðbeiningarnar sem fylgdu PONG spilakassanum voru unaðslega einfaldar:

DEPOSIT QUARTER
BALL WILL SERVE AUTOMATICALLY
AVOID MISSING BALL FOR HIGH SCORE

TETRIS

Tetris leikurinn er í sjálfu sér ekki svo erfiður, heldur er það hraði leiksins sem reynist spilurum oft erfiður. Tetris byrjar yfirleitt hægt og rólega þar sem spilarinn hefur nægan tíma til að dunda sér við að snúa og færa kubbana til að mynda beinar raðir og safna stigum. Hægt en örugglega fara kubbarnir að hreyfast hraðar, spilarinn klúðrar fleiri og fleiri línum, þar til á endanum að allt fer í rugl.

Leikurinn verðlaunar spilarann með hærri stigagjöf og nýjum borðum.

HEARTHSTONE

Hearthstone er kortaspilaleikur sem hentar bæði þeim sem hafa verið að spila kortaspil (líkt og Magic: The Gathering) sem og byrjendum. Leikurinn nær að halda ótrúlega góðu jafnvægi milli andstæðinga og spilastokka í leiknum. Kostur leiksins er hve auðvelt er að detta inní leikinn þar sem kortin og spilaborðin eru virkilega skemmtilega skreytt. Auk þess er auðvelt að skilja hvað kortin gera þar sem þau innihalda stuttar lýsingar í stað langra reglubóka. Með tímanum læra spilarar þó að sjá hvaða spil virka vel gegn öðrum spilum og endurraða í spilastokkana sína. Leikurinn verðlaunar spilarann með því að hækka stöðuna hans (rank) og gefa honum spilapeninga sem hann getur notað til að kaupa ný kort o.fl.

Til gamans má geta að þá spilar íslenski atvinnuleikmaðurinn Jökull „Kaldi“ Jóhansson Heartstone.

SIZE DOES MATTER

Ólíkt Flappy Bird og Super Hexagon þá leyfir Size Does matter leikurinn þér að lifa í nokkrar mínútur áður en hann verður erfiður. Í leiknum stjórnar spilarinn kubbum sem mega ekki rekast í aðra kubba á leið sinni í gegnum hvert borð. Ekki nóg með það, heldur þarf spilarinn líka að safna stigum til að opna næsta borð. Það getur mjög verið auðvelt að missa af mörgum stigum á stuttum tíma. svo með tímanum er nánast undantekningarlaust nauðsynlegt að enduræsa borðið eftir að hafa klesst á aðeins einn kubb. Leikurinn getur reynt á taugarnar en frábær kubbatónlist og upplífgandi grafík bjarga málunum. Leikurinn er fljótur að refsa, en stóru verðlaunin eru klárlega þau að ná að lifa af erfiðustu borð leiksins.

Size Does Matter var valinn besti handheldi tölvuleikurinn á Nordic Game Awards í ár.

ROCKET LEAGUE

Rocket League nýtur gríðarlegra vinsælda um þessar mundir. Leikurinn er auðveldur í spilun en erfitt er að ná fullkomnu taki á leiknum. Í Rocket League stjórnar spilarinn bíl og á að reyna að skora sem flest mörk á fimm mínútum. Spilarar geta verið saman í liði gegn öðrum, og er allt leyfilegt í leiknum. Svona ef maður pælir í því þá virkar Rocket League í raun eins og fjölspilunarútgáfa af PONG (bara frá öðru sjónarhorni), þar sem fótboltinn er tennisboltinn og bílarnir eru spaðarnir. Reglurnar eru líka afskaplega svipaðar og skemmtilega einfaldar.

Við gáfum Rocket League fimm stjörnur – lestu gagnrýnina okkar hérna.

Heimildir: Wikipedia og Pong Museum / Forsíðumynd: Wikimedia

Höfundur er Bjarki Þór Jónsson